inosente

Sa isang titik
naisilang ang salita
sumusigaw ng kaisipan
nagtuturo –
iminulat ang mga mata
sa kadiliman ng gabi
upang sa araw
ibaling

at dun lumikha
ng diwa –
makasaysayan,
mayaman
naglilok ng bakas
sa mga taong lumipas
ngunit ngayo'y
tila tinatalikuran

ang siyang simula
nagbadya ng wakas
na kahahantungan ng lahat
maliban na lamang
kung maiganyak ng puso
ang isipan
na bumalik
sa katuturan.